POESIE
Dedicate dai fedeli alla Regina del Castello
Alla Regina del Castello
Lassù uno sfolgorio verso il cancello
illuminò i ruderi e i gradini
e apparve tra le mura del castello
Nostra Signora a dodici bambini.
E ad Oliveto lieta la novella
svegliò le bianche case olivetane
e la Madonna, la divina stella,
udì di questa terra le campane.
E noi udimmo i Cherubini in coro,
(i versi scritti dal credente Albino)
ed Ella apparve col suo manto d’oro
e avea tra le braccia il suo Bambino… !
Pregate, disse, figli miei, pregate,
che la preghiera è la miglior vittoria,
aprite i vostri cuori e non peccate,
chi vince il male avrà perdono e gloria.
Ed un profumo mistico e soave
l’anima inebriò del pellegrino,
nel cielo apparve la parola “Ave”
e noi leggemmo quel segnal divino.
Bacia la terra dove Ella appare,
o pellegrino, vai al Suo castello,
che salverà il mondo il tuo pregare,
vedrai il più bel sole oltre il cancello.
Dove Gesù ha dato il suo sorriso
a questa terra col divino raggio
che illuminò della Madonna il viso
ad Oliveto il ventiquattro maggio.
Enzo Arena
‘A Maronna d’o castiello
E’ ‘na notte fonna ‘e primmavera,
so’ venute vicino ‘o canciello
e aggio ‘mplorato ‘a Maronna,
l’aggio vista tantu bella!
E’ ‘a Reggina r’’o Castiello.
M’è venuta ‘a frennesia
e m’aggio mis’alluccà:
Né, Olivetà! Ma vuie che facite?
Ma comme! …..Rummite?
Arapite ‘e feneste,
spalancate ‘e balcune
pecchè ‘a Maronna sta ccà.
Affacciateve e pregamme tutt’assieme:
“Oie, Mamma beneretta,
Tu cia’ rato ‘o Figlio Tuoio
che ha pregato sull’ammore
e l’hanno accise;
che ha vuluto tantu ‘bbene
e l’hanno derise.
Né, paisà! Ma vuie rummite ancora?
Ma cumme facite?
‘A Maronna sta ccà e ‘nce benerice.
L’aria è serena,
‘o cielo è trapuntato ‘e stelle,
pregammo tutt’assieme:
“Oje, Reggina r’’o Castiello!
Tu si’ ‘a Maronna ‘e tutte nuie.
Tu ‘nce perduone ogne juorno,
Tu ‘nce vuò bbene, tantu bbene!”
Uè, signora, sit’asciuta?
Ma vuie ‘o sapite che tenite?
Tenite ‘a Mamma ‘e Gesù, signò!
Tenite ‘o tesoro cchiù grande d’’o munne:
tenite ‘a Reggina ‘e l’ummanità.
Aiuta tutte nuje,
benedice tutt’’o munne,
fa che ‘nce sia sulo ‘a pace
_______________________
Albino Coglianese – 3 maggio 1986
‘Na Stella dint’a ‘na stella
e ccanta quando sona ‘na campana,
addò ‘e pace vola ‘na culomba
e ‘o sole ‘ndora ‘a terra Olivetana.
Sta llà… addò cresce l’evera nuvella,
for’ o castiello addò ce stanno ‘e grale,
‘na cappelluccia fatta ‘a forma ‘e stella
cu ‘e titte russe e cu ‘e prete chiare.
E ‘a Stella ca sta dint’a chella stella,
ca luce e dint’a ll’anema me trase
e’ Oliveto Citra è a Madunnella,
guarda ‘o Chianiello e benedice ‘e ccase.
‘Sta Mamma è ‘a pruvverenzia ‘e tutt’ ’e ccose
‘e ‘a quanno ha cunsacrato stu paese
ne vene gente e ce ne porta rose:
Essa sta sempe llà cu ‘e mmane stese.
Accumparette ‘o iuorno ‘e San Macario
‘o stesso posto addò ce sta ‘a cappella,
addò ‘a gente vene a di’ ‘o Rusario
mmiez ‘o spiazzato, ncopp’ a sagliutella.
A chiammeno ‘a Riggina d’o Castiello…
Ce tene a tutti quante dint’ o core.
Ma chi l’ha vista ‘nziemo ‘o Bambeniello
ha ditto: «Pare ‘a Mamma d’o dulore…!»
E nun se stanca maie ‘e di: «…Priate…»!
Quando accumpare ‘o ddice pe tre vvote…!
‘A fanno piglià collera ‘e peccate,
e ‘a vocia soia ‘e n’armunia so’ ‘e nnote.
Pecchè facite chiagnere ‘sta Mamma
ca troppo ‘nziemo ‘o figlio ha già chiagnuto.
Venitela a truvà, e si ve chiamma
purtateLe ‘na lacrema pe’ vuto…!
______________________
Enzo Arena
